martes, 1 de abril de 2025
La capilla de Santa María de la Diputación provincial de Lugo acoge el arranque de una exposición de artistas contemporáneos uruguayos, que después se desplazará por distintas localidades de Galicia, España y Estados Unidos.
Artistas uruguayos como Javier Bassi, Gino Bidart, Juan Burgos o la arquitecta Elena Caja, participan en la iniciativa BORDE SUR, que recopila obras de 59 artistas en 57 creaciones a través de una exposición itinerante.
Esta exposición permanece en Lugo hasta el 31 de mayo, para luego desplazarse a Santiago, Vigo, Ferrol y Ourense y, posteriormente, a Madrid, Barcelona, Berlín y París, para concluir en Washington y Nueva York.
Nota de prensa remitida por el Gabinete de Comunicación de la Diputación Provincial de Lugo:
O Presidente da Deputación, José Ramón Gómez Besteiro, inaugurou a exposición internacional Borde Sur que permanece na Capela de Santa María ata o 31 de maio. Gómez Besteiro, que estivo acompañado do Alcalde de Lugo, José López Orozco, da Vicepresidenta Segunda, Lara Méndez, do Deputado de Réxime Interior, Melchor Roel, do Cónsul de Urugai en Galicia, Gonzalo Koncke, así como de responsables da mostra, sinalou que para a Deputación é un orgullo que a Capela fose o lugar escollido para esta exposición, xa que nos convertemos na primeira cidade do mundo que acolle a mostra por diante doutras como Madrid, Barcelona e mesmo Nova York.
Ante numeroso público, o responsable provincial lembrou que o feito de que Borde Sur estea en Lugo permite renovar lazos con Uruguai e demostra que as relacións da Deputación coa poboación emigrante en Sudamérica comezan a ser unha constante. Non entendemos esta relación como axuda ou subsidio, senón como colaboración. Por iso, puxemos en marcha en Viveiro a Casa do Emigrante, que hoxe xa é a porta dos emigrantes en Lugo, pero tamén a de todos aqueles proxectos empresariais que teñen como destino a nosa provincia.
Gómez Besteiro explicou que coa inauguración, a Deputación cumpre outro dos obxectivos do Centro de Artesanía e Deseño: conseguir que a Capela de Santa María sexa o epicentro das últimas tendencias de deseño e artesanía. Neste senso, sinalou que estamos traballando na nova programación, de xeito que proximamente presentaremos unhas coleccións moi escollidas, combinando os nomes máis punteiros cos artesáns e deseñadores da nosa provincia. De feito, logo desta exposición, presentaremos outras dúas mostras que completan a oferta e a nova función da Capela.
A mostra reúne 57 creacións de 59 artistas uruguaios contemporáneos e de recoñecido prestixio, que representan catro xeracións distintas, e que plasman sobre o lenzo a posibilidade de coñecer o lugar que ocupa a fronteira e que enfronta a cada artista coa noción do límite e das súas consecuencias.
Esta é a primeira vez na historia que tantos artistas uruguaios expoñen o seu traballo fóra do seu país de orixe. Durante o ano 2009 as propostas destes artistas percorrerán distintas cidades do mundo, co apoio do Ministerio de Relacións Exteriores de España e as súas embaixadas no mundo.
A exposición poderá visitarse de 12:00 a 14:00 horas pola mañá, e de 18:00 a 21:00 horas pola tarde. Durante a fin de semana, o horario será de 18:00 a 21:00 horas. Logo da súa estancia en Lugo, a mostra trasladarase a Santiago, Vigo, Ferrol e Ourense. Posteriormente, Madrid, Barcelona, Berlín e París serán sede da mesma. Rematará en Washintong e Nova York.
A cidade da Coruña acollerá o vindeiro xoves 3 de abril a cerimonia de entrega dos XXIX Premios María Casares de Teatro, que congregará no Teatro Rosalía Castro unha ampla representación do sector escénico galego. Con dirección e dramaturxia de Fernando Dacosta, a compañía Sarabela Teatro será a encargada de conducir a gala desta 29ª edición, que tomará como referencia o concepto clásico das compañías ambulantes reflectido no cartel deste ano para poñer o foco nos diferentes oficios profesionais que conforman o feito teatral. O elenco estará integrado por Elena Seijo, Sabela Gago, Belén Constenla, Josito Porto, Fernando González e Víctor Mosqueira.
O festival de música independente Facela Fest vaise celebrar na capital lucense os días 8, 9 e 10 de maio. Entre os grupos e artistas confirmados figuran The Undertones e Christina Rosenvinge, xunto con outros nomes nacionais e internacionais como VVV [Trippin'you], Margaritas Podridas, Stompin' Riffraffs, Marcelo Criminal, Black Ends, Kokoshka e Las Petunias. Tamén haberá presenza de bandas de Lugo e doutros lugares de Galicia como Grande Amore, Moloch, Pladür, Jade 4 ou Los Revelators. A inauguración está prevista para o xoves 8 de maio no Club Clavicémbalo, mentres que os concertos do venres 9 e o sábado 10 serán no exterior do auditorio Gustavo Freire.
