martes, 9 de junio de 2026
Nota de prensa remitida por el Gabinete de Comunicación de la Secretaría Xeral de Emigración de la Xunta:
O Secretario Xeral de Emigración, Manuel Luis Rodríguez, chamou a poñer en valor o patrimonio histórico, ético e económico da emigración galega. Fíxoo na inauguración da exposición Nós Mesmos que o Consello da Cultura Galega desenvolveu arredor a historia do asociacionismo galego na emigración e que estará aberta ao público durante un mes no Salón Maruxa Boga da Delegación da Xunta de Galicia en Buenos Aires.
Nun acto con preto de 200 persoas, no que tamén participaron a Delegada do Goberno galego en Arxentina e Uruguai, María Xosé Porteiro, e Emilia García Domínguez como representante do Consello da Cultura Galega, Manuel Luis Rodríguez asegurou que esta mostra que fai un percorrido cronolóxico polas iniciativas asociativas dos cidadáns galegos nos países onde emigraron é un xeito de concretar o compromiso asumido polo Goberno galego respecto da solicitude do Consello das Comunidades Galegas para a valorización do patrimonio da emigración galega.
Rodríguez animou a todos os membros da colectividade a visitar a exposición e recoñecerse neste relato cronolóxico do nacemento e evolución das asociacións, entidades e agrupacións creadas polos cidadáns galegos residentes no exterior. Esta exposición é unha homenaxe aos centros galegos e á colectividade toda, dixo. É a realización deste recoñecemento que nos ten demandado o Consello das Comunidades Galegas e poñer en evidencia ese traballo das entidades en todo o mundo que nos fai sentir orgullosos deste legado. Temos que valorizar o traballo dos centros que, como en Buenos Aires, conseguen ter nas súas programacións mesmo conferencias de Premios Nobel, concluíu.
Así mesmo, o Secretario Xeral de Emigración do Goberno galego quixo facer énfase no papel da muller no movemento migratorio. Está tapado dixo- pero hai que facelo visible e poñer cada cousa onde corresponde. Neste sentido, engadiu que fai xa 80 anos existían grupos de mulleres galegas na elite social dos países de destino.
A Delegada da Xunta en Buenos Aires, María Xosé Porteiro, manifestou, pola súa banda, a súa ledicia por contar cunha exposición desta categoría na Delegación e existen mil razóns como esta para celebrar o mes de Galicia en Arxentina.
A inauguración desta exposición é un dos eventos destacados da programación do Mes de Galicia en Arxentina. A mostra está composta por 62 paneis organizados en 7 capítulos que narran a historia do asociacionismo galego na emigración dende as súas orixes, no século XVIII, ata a actualidade. Nela inclúense fotografías, documentos e testemuñas dos protagonistas, segundo explicou a representante do Consello da Cultura Galega, Emilia García Domínguez. Segundo indicou na súa intervención, o Consello ten entre as súas prioridades de actuación o traballo de análise e preservación da cultura galega, así como a súa proxección exterior. Neste contexto, sinalou, deseñouse esta exposición que destaca a capacidade da sociedade galega para organizarse nos sitios de destino na súa emigración.
A mostra permanecerá aberta ao público durante un mes nas instalacións da Delegación da Xunta de Galicia en Buenos Aires.
A presidenta da Asociación da Prensa Española en Arxentina (APEA), Pilar González Torrilla, fixo entrega neste acto do galardón anual que concede esta institución aos persoeiros que teñan contribuído a mellorar a relación entre España e Arxentina. O premio de APEA de 2008 recaeu no Secretario Xeral de Emigración, Manuel Luis Rodríguez, polo seu traballo nesta dirección.
O secretario de Emigración agradeceu a distinción e anunciou que este ano o seu departamento vai poñer en marcha unha liña de axudas aos medios de comunicación e xornalistas que desenvolvan o seu traballo na emigración, posto que, segundo expuxo, contribúen decididamente á conservación e difusión da cultura, a lingua e a imaxe de Galicia no exterior.
Entre o numeroso público asistente á inauguración da exposición estaban tamén o actor arxentino de orixe galega Eduardo Blanco e mais os integrantes do grupo musical galego Fía na Roca, de xira por Arxentina e Uruguai. Blanco e a cantante do grupo asinaron no Libro de Honra da Delegación.
Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.
