martes, 9 de junio de 2026
Nota de prensa remitida por el Gabinete de Comunicación de la Consellería de Innovación e Industria de la Xunta de Galicia:
O Observatorio e Repositorio Europeo de Software Libre
(OSOR), presentado recentemente polo IDABC en Bruxelas, reproduce miméticamente a estrutura de Mancomún, como un modelo de éxito aplicado en Galiza dende fai máis de dous
anos. Esta estrutura baséase nun portal que permite a todas as institucións, organismos e persoas, a título individual, compartir o Software Libre que producen, así como intercambiar recursos e coñecementos na materia a través de servizos de observación tecnolóxica e colaborativos. A Forxa de Mancomún é unha das forxas asociadas á plataforma europea dende o seu inicio.
Segundo explica o coordinador de Mancomún, Xesús Manuel Benítez Baleato, o feito de que o modelo escollido finalmente pola Comisión Europea para poñer en marcha o OSOR reflexe tan
claramente a estrutura proposta dende Galiza a través de Mancomún demostra o acerto da estratexia de promoción do Software Libre seguida pola Consellaría de Innovación e Industria,
buscando fortalecer un tecido TIC endóxeno capaz de fornecer a necesaria independencia tecnolóxica que permita abastecer tecnoloxicamente aos distintos sectores produtivos do noso
país.
Mancomún convértese, así, en referente europeo en materia de Software Libre, ao contribuír no asesoramento e o desenvolvemento de proxectos europeos orientados á maior difusión e
implantación das tecnoloxías abertas.
Tal e como sinala Helena Veiguela, directora xeral de Promoción Industrial e da Sociedade da Información, principal entidade promotora do Centro de Referencia e Servizos de Software Libre
de Galicia, trátase non só de que Galiza sexa consumidora senón tamén de que sexa produtora de recursos e servizos na Sociedade da Información e do Coñecemento.
Presentación do OSOR en Bruxelas
O portal do Observatorio e Repositorio Europeo de Software Libre (www.osor.eu) foi presentado recentemente en Bruxelas polo IDABC nun acto ao que foron convidados máis de 40 representantes de toda Europa, entre eles o coordinador do Centro de Referencia e Servizos de Software Libre, Xesús Manuel Benítez Baleato. No evento participaron tamén Jesús González Barahona, investigador da Universidad Rey Juan Carlos; Elena Muñoz, do Centro de Transferencia de Tecnoloxía do Ministerio de Administracións
Públicas; Ismael Olea, dinamizador da comunidade de Software Libre de epractice.eu.; e Carolina Grau, directora do CENATIC.
Durante o encontro debateuse sobre as posibilidades que abre a propia plataforma, sobre os proxectos de éxito incluídos no repositorio, ademais da futura orientación que adquirirá o proxecto.
Así mesmo, presentouse a imaxe do portal que, de xeito anecdótico, incorporará na súa cabeceira ilustracións de abellas. O coordinador da iniciativa, Karel de Vriendt, bromeou a este respecto
afirmando que algunha xente expuxo que o das abellas podía non ser unha boa idea xa que lembra ás nésperas; tamén de min di algunha xente que son coma unha néspera pero non hai
problema: para iso é que me pagan.
Está previsto que a versión definitiva da plataforma sexa presentada ao público en xeral no marco da Conferencia Mundial de Software Libre, que terá lugar en Málaga no vindeiro mes de outubro.
Arquitectura do Observatorio e Repositorio Europeo de Software Libre (OSOR)
A arquitectura do OSOR está construída sobre Plone e Gforge, almacenan non soamente código fonte e aplicacións listas para o seu uso, senón tamén documentación sobre estas, información
sobre as distintas licenzas de Software Libre e material sobre a contratación de servizos relacionados con tecnoloxías abertas. Esta arquitectura permita albergar, de forma semellante a como o fai Mancomún, servizos adicionais aos do propio repositorio, como calendario de eventos, novas máis destacadas, foros e outros servizos colaborativos ademais dos vencellados ao Observatorio.
O proxecto admite tanto software gratuíto, libre e de código aberto que é distribuído baixo as licenzas recoñecidas pola Fundación de Software Libre (FSF) ou pola Iniciativa de Código Aberto (OSI), ademais do código que é lanzado baixo a Licencia pública da Unión Europea (EUPL)
A iniciativa inaugura o intercambio de información, experiencias e código fonte de Software Libre entre as distintas administracións públicas a través da nova plataforma. A apertura deste fluxo
permitirá aos membros da Unión Europea mellorar o retorno dos seus investimentos en tecnoloxías da información, así como facer as súas aplicacións máis interoperables.
Gabinete
Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.
