martes, 9 de junio de 2026
Nota de prensa remitida por el Gabinete de Comunicación de la Secretaría Xeral de Emigración de la Xunta de Galicia:
A Secretaría Xeral de Emigración promove o programa de campamentos e campos de traballo co obxecto de que os mozos e mozas galegos ou con ascendencia galega, e que residan fora de Galicia, redescubran a súa terra mediante uns días de convivencia con mozos galegos da súa mesma idade, desenvolvendo actividades de animación sociocultural e deportivas e integrándose durante este tempo na vida cultural da Galicia actual. O programa divídese en dúas modalidades de participación:
Campamentos
As actividades de campamentos están destinadas a mozos e mozas con idades comprendidas entre os 14 e os 22 anos e desenvolveranse a través da rotación entre campamentos e albergues xuvenís, de mar, de montaña ou de cidade, situados nas diferentes provincias galegas. Este ano ampliouse a idade tope de participación dos 18 aos 22 anos.
Durante a primeira quincena de xullo, e baixo o nome Verde e azul, terá lugar o primeiro dos campamentos. Os participantes estarán aloxados en tendas de campaña durante unha semana e realizarán actividades como sendeirismo, bicicleta, escalada en rocódromo, obradoiros, visitas e excursións. A segunda semana estarán en Gandarío onde se plantexan actividades variadas: actividades náuticas, vela lixeira, excursións etc.
Do 16 ao 30 de xullo desenvolverase o segundo dos campamentos co nome Rotas coñece Galicia. Rotando desde unha instalación inicial a unha intermedia e a outra final, con cinco días de estancia en cada unha, os rapaces coñecerán os lugares de interese histórico cultural e turístico das catro provincias galegas
Campos de traballo
Este é o primeiro ano que se realizan e os seus participantes, con idades comprendidas entre os 18 e os 30 anos, terán a oportunidade de participar, durante a súa estancia en Galicia, en distintas actividades relacionadas co voluntariado e o tempo libre:
campos de traballo arqueolóxico en Cuntis (Pontevedra), en Formigueiros (Lugo), en Palas de Rei (Lugo), en Boiro (A Coruña); campos de traballo medioambiental/arqueoloxía nas Illas Cíes (Vigo-Pontevedra), en Laioso-Esgos (Ourense) e en campos de traballo cultural-etnográfico en Moaña (Pontevedra).
O programa de axudas para a participación en actividades de campamentos e campos de traballo para a Galicia do exterior é o resultado dunha intensa colaboración entre a Secretaría Xeral de Emigración e a Dirección Xeral de Xuventude e Solidariedade da Vicepresidencia de Igualdade e do Benestar.
Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.
