martes, 9 de junio de 2026
Nota de prensa remitida por el Gabinete de Comunicación de la Secretaría Xeral de Emigración de la Xunta:
O Consello da Xunta aprobou o Plan galego de convivencia, cidadanía e integración 2008-2011, un plan promovido pola Secretaría Xeral de Emigración que suporá un investimento de máis de 30 millóns de euros e ten como obxectivo conseguir a plena integración dos inmigrantes na sociedade galega. Este plan, que en 2008 prevé unha achega de 7.264.767 millóns de euros, contou na súa elaboración coa participación do Consello Galego da Inmigración, un órgano en que están representadas as administracións estatal, autonómica e local, sindicatos, asociacións, ONGs e universidades e que elaborou un informe preceptivo previo ao plan.
O Plan galego de convivencia aposta pola integración dos inmigrantes priorizando o acceso normalizado aos servizos públicos, a promoción da integración laboral e o impulso da convivencia cidadá en termos de diversidade. As accións que contén o plan teñen un enfoque integral e multidisciplinar da integración recollendo aspectos económicos e sociais, culturais, relixiosos, cidadáns e de dereitos públicos. As áreas en que se levarán a cabo máis accións serán educación (40 accións) e traballo (63) dun total de 308 previstas no plan, nunha aposta pola integración laboral e no ensino como pasos fundamentais para a convivencia e a busca de espazos de encontro entre galegos e inmigrantes.
No plan promovido pola Secretaría Xeral de Emigración participan todas as administracións pero cobra un especial protagonismo a Administración local por ser a máis próxima ao cidadán. Por iso, unha das primeiras medidas que se impulsarán desde a Presidencia da Xunta será dotar as principais cidades galegas de recursos para dar unha resposta eficaz ás demandas da poboación inmigrante. Con este obxectivo, e tal e como se aprobou no Consello da Xunta do pasado 31 de xaneiro, a Secretaría Xeral de Emigración destinará 1 millón de euros ás sete cidades galegas e ao Consorcio das Mariñas para que calquera inmigrante poida acceder aos servizos de atención inmediata a menos de 50 quilómetros do seu domicilio.
Ademais de garantir a integración social e laboral dos inmigrantes, o plan aprobado hoxe polo Consello da Xunta ten como obxectivos incorporar a perspectiva de xénero en todas as actuacións en materia de inmigración, loitar contra o racismo e maila xenofobia e contra calquera tipo de discriminación e mellorar a coordinación entre as administracións públicas, potenciando o papel dos concellos.
Agora mesmo, e segundo o padrón de xaneiro de 2007, residen en Galicia 81.446 estranxeiros, dos que 41.810 son mulleres e 39.632, homes. A provincia con máis poboación estranxeira é Pontevedra, con 31.805 empadroados seguida da Coruña con 28.137. Ademais, a cifra de alumnado estranxeiro en Galicia no presente curso 2007-2008 é de 11.658 dos que o grupo máis numeroso é o de Primaria, con 5.197 estudantes estranxeiros.
Os chefs representantes de cada cidade son: Adrián Pérez de Sinxelo (Ferrol); Carlos Montes de La Sifonería Gastrobar (A Coruña); Rodrigo Seoane de ArteSana Gastrobar (Santiago de Compostela); Rubén González de El Cafetín de La Alameda (Pontevedra); Rebeca Guede de La Orensana (Vigo); Beatriz Alcalá de La zapatería del abuelo (Ourense) e Jose Luis Pardo de El Boni (Lugo). Os sete cociñeiros competirán por dous galardóns e serán outorgados por un xurado profesional e outro popular, integrado polos invitados á gala, que utilizará un sistema de televotación. Todos eles valorarán cada tapa segundo a súa complexidade técnica, creatividade, presentación e sabor.
Presetouse a segunda parte da campaña de Trens Turísticos de Galicia, que inician estee sábado 6 de xuño unha nova quenda de viaxes coas saídas da Ruta dos Faros e a da Ribeira Sacra polo Sil. Os trens que inician saída neste mes son o das Rutas dos Faros (con saídas 6 e 20 de xuño, 4 e 18 de xullo, 29 de agosto e 26 de setembro, todas vendidas); os da Ribeira Sacra polo Sil (6 e 27 de xuño e 11 de xullo, xa vendidas; e 1 e 22 de agosto e 12 de setembro, aínda con prazas á venda); a da Ribeira Sacra polo Miño (13 de xuño, esgotadas, e 5 e 26 de setembro); e a dos Mosteiros (20 de xuño -xa vendidas- e 25 de xullo). O programa de Trens Turísticos de Galicia é unha iniciativa de Turismo de Galicia, en colaboración con Renfe e o INORDE. En total, en 2026 realizaranse 13 rutas e 33 saídas, cunha ruta -a da Camelia- xa realizada.
