inicio |
servicios |
opinión |
recetas |
santoral |
especiales |
sugerencias |
webmail |
promociones
O presidente da Xunta, Emilio Pérez Touriño, e o presidente executivo do Grupo Lonza, Stefan Borgas, analizaron o novo plan estratéxico de produción e de futuro da empresa biofarmacéutica en Galicia. Stefan Borgas trasladoulle ao máximo mandatario galego o compromiso e a súa aposta pola potenciación da factoría que o grupo posúe no Porriño, así como os obxectivos e investimentos que se van realizar nesas instalacións.
Stefan Borgas presentoulle ao presidente do Goberno galego o plan estratéxico da planta do Porriño, na que o grupo está investindo máis de 75 millóns de euros para adaptala para a produción de novos medicamentos anticanceríxenos para distintas multinacionais do sector farmacéutico.
O Grupo Lonza ostenta a propiedade dunha planta na localidade pontevedresa do Porriño, que foi adquirida á empresa norteamericana Genentech a finais de 2006, tras unha operación de compra por valor de 117 millóns de euros.
A estratexia de Lonza respecto ao funcionamiento desta factoría galega, tal e como lle explicou Stefan Borgas ao presidente, centrouse na potenciación da súa capacidade de produción en cultivos celulares de mamíferos e bioprodutos para o desenvolvemento de novas medicinas e de produtos sanitarios.
O centro de produción biofarmacéutico do Porriño foi homologado pola Axencia de Alimentos e Medicinas (Foods and Drug Administration, FDA) de Estados Unidos, autorizándoa a producir un principio activo para un medicamento contra o cancro. A planta conta, nos seus máis de 9.000 m2 de extensión, cunha plantilla total de aproximadamente 300 empregados.
Grupo Lonza
O Grupo Lonza é un dos principais proveedores mundiais para industrias farmacéuticas, de asistencia sanitaria e de ciencias da saúde, proporcionando os elementos necesarios para promover a investigación, o desenvolvemento e a produción en campos como a biotecnoloxía e farmacia. As oficinas centrais do Grupo Lonza ubícanse en Basilea (Suiza), mentres que a súa actividade produtora se desenvolve mediante unha extensa rede de 26 plantas e centros de I+D operativos en todo o mundo, entre eles dous en España: o do Porriño e o de Barcelona.
Las cuatro provincias gallegas celebran la festividad de Reyes. Melchor, Gaspar y Baltasar, gracias a su "mágico talento", visitaron simultáneamente los pueblos y las ciudades de A Coruña, Ourense, Lugo y Pontevedra, repartiendo ilusión, caramelos y regalos entre los niños.
Lolita, Pitingo -con su espectáculo Soulería- o Niña Pastori son algunos de los artistas que actuarán este año en A Coruña dentro de la programación cultural que ofertará Caixa Galicia en el Teatro Colón. Esta programación incluirá desde música y danza hasta un ciclo de zarzuelas, teatro, cine infantil y el espectáculo El Libro de la Selva.
