jueves, 25 de abril de 2024
En medio das reaccións dos responsables políticos do Estado ao discurso do presidente de Catalunya, o BNG da por seguro que vai haber un cambio no actual marco institucional e pide aproveitar esta oportunidade para avanzar advertindo contra un inmobilismo que deixaría a Galiza marxinada.
Tras o anuncio de que se vai abrir o melón constitucional, a viceportavoz parlamentaria, Olalla Rodil, salientou que Galiza ten que buscar a súa propia vía e ser protagonista nese posible escenario. Galiza ten que ser protagonista, liderar o seu propio futuro e aproveitar esta oportunidade decisiva para todos os pobos, e Galiza non pode quedar inmóbil, non pode quedar marxinada neste horizonte que se abre no Estado español e o BNG loitará para que este país avance e gane dereitos como pobo, salientou.
Rodil reiterou a posición do Bloque reclamando política de altura para dar unha solución dialogada ao lexítimo dereito do pobo catalán a decidir o seu futuro, expresado en distintas mobilización e no referendo do 1-0.
A formación nacionalista reitera que o conflito só ten unha saída: Que o pobo catalán poida expresarse en liberdade e con plenos dereitos democráticos. E o mesmo no caso galego e vasco. O Estado español debe recoñecer a súa realidade e natureza plurinacional e, consecuentemente, aceptar o dereito das nacións que hoxe fan parte del a decidir e a exercer, no seu caso, a plena autodeterminación. De non facelo, o problema político de fondo, lonxe de resolverse, agravarase.
Como forza política galega, o Bloque chama a sumar voces e opinións desde a sociedade en favor do diálogo e dunha resolución pacífica e democrática do conflito político aberto, e sempre desde o recoñecemento pleno do dereito a decidir e da plena capacidade para exercer na práctica ese dereito.
Comunicado do BNG sobre a intervención de Mariano Rajoy no Congreso:
Diante das declaracións e da intervención no Congreso dos Deputados do presidente do Goberno español, Mariano Rajoy, desde o Bloque Nacionalista Galego queremos manifestar o seguinte:
O Goberno Catalán fixo no día de onte un chamamento expreso ao diálogo e obrou en consecuencia -de xeito inequívoco- de cara a poder facilitalo. Rajoy tiña hoxe a oportunidade de recoller a man tendida de Puigdemont e abrir unha porta á solución do conflito político que se está a vivir en Cataluña, mais decidiu pechala dun portazo, dando máis unha vez unha mostra de inmobilismo, prepotencia e autoritarismo.
Tras o uso da forza o 1 de outubro contra persoas que pacificamente querían exercer o seu dereito a se expresar en urnas, e tras a vulneración de múltiples dereitos e liberdades fundamentais no que se pode considerar un estado de excepción non declarado (prohibición de actos, censura de webs, rexistros en sedes de partidos e medios sen orde xudicial, detención de cargos públicos, anulación de Plenos non convocados, etc.) agora Rajoy, seguindo a pauta xa adiantada por Felipe VI, ameaza coa intervención por parte do estado da Autonomía de Catalunya a través do inicio do proceso de aplicación do artigo 155 , que poría en marcha unha nova escalada represiva a nivel xudicial e policial.
É absolutamente intolerábel que ante a petición de diálogo e mediación internacional do presidente Puigdemont a resposta de Rajoy sexa novamente a ameaza, neste caso coa aplicación do artigo 155 da constitución española. Nunha democracia son absolutamente impresentábeis ameazas como as que transmitiu hoxe o señor Rajoy ou as que xa adiantou o señor Casado hai un par de días, anticipando unha posíbel reforma da Lei de Partidos de cara a ilegalizar formacións políticas independentistas.
O BNG reafírmase na necesidade de buscar solucións políticas aos problemas políticos. A resposta xudicial, policial e/ou militar lonxe de arranxar nada, ao único que poden contribuír é a agrandalo. Desde o BNG facemos un chamamento a que o goberno español rectifique, acepte a petición de diálogo e intermediación internacional e que traballe para acordar unha solución democrática a este conflito que respecte o inalienábel dereito a decidir libremente o seu futuro do pobo catalán e o do resto de nacións do Estado.
A única solución real e democrática á cuestión nacional no Estado español pasa polo pleno recoñecemento da realidade e natureza plurinacional deste e, consecuentemente, pola aceptación por parte do Estado do dereito a decidir dos pobos que hoxe facemos parte del e da plena capacidade para exercermos a nosa soberanía. Sen ese recoñecemento ningunha anunciada reforma da Constitución resolverá nada nin será máis que mera maquillaxe cosmética, unha simple operación para que pareza que algo cambia e en realidade todo siga igual.
Hugo fala da relación do seu protagonista, un rapaz con trastorno do espectro autista, coa súa amiga Laia. Jimmy Núñez e María Roja interpretan este espectáculo, seleccionado para a primeira edición do circuíto estatal de artes escénicas para a infancia e a mocidade da ASSITEJ. Baixo o lema Voces dun mundo novo, o congreso reunirá compañías e profesionais de numerosos países arredor dunha programación artística, de relatorios e de intercambio, que este ano lles presta especial atención á participación, á amplitude de formas artísticas e á celebración do impacto comunitario. Para a configuración da carteleira de espectáculos tivéronse en conta especialmente propostas que traballan en espazos e formatos non tradicionais, inclusivas e sensoriais.
O Instituto Nacional de Estatística (INE), publicou hoxe os datos referidos aos establecementos hoteleiros no mes de marzo, nos que a Semana Santa contribuiu a que o sector hoteleiro galego consolidase a crecente mellora da súa rendibilidade. En concreto, segundo o INE, a rendibilidade hoteleira medrou en marzo un 15%. Con estas cifras estímase que o sector hoteleiro obtivo uns ingresos totais de 21,9 millóns de euros ese mes, cifra que supera nun 23% o dato de marzo do ano pasado, que non coincidiu coa Semana Santa, que fora en abril. Tamén medrou con respecto ao valor previo á pandemia, cando se facturaron preto de 16 millóns de euros. En canto ao número de viaxeiros, o segmento hoteleiro presentou un comportamento positivo en Galicia en marzo.
